News ⌨️💻

August 01, 2019

मदिरा सेवन तथा बिक्री वितरणका कारण जिल्लामा आपराधिक र गैरकानूनी क्रियाकलाप बढ्दै गएकाले जिल्लामा मदिरालाई व्यवस्थित गरिने भएको छ । बुधबार जिल्ला प्रशासन कार्यालयमा बसेको उद्योगी, व्यापारी, होटल व्यवसायी, मदिरा व्यवसायी, प्रमुख जिल्ला अधिकारीलगायत सरकारी निकायका पदाधिकारीको बैठकले मदिरा बिक्री वितरणलाई व्यवस्थित गर्ने निर्णय गरेको हो । सर्वपक्षीय बैठकले कात्तिक १५ गतेदेखि माघ १५ गतेसम्म राति ९ बजेसम्म र माघ १६ गतेदेखि कात्तिक १४ गतेसम्म राति १० बजेसम्म होटल व्यवसाय सञ्चालन गर्ने निर्णय गरेको प्रमुख जिल्ला अधिकारी कल्पना घिमिरे नेपालले बताउनुभयो । उहाँका अनुसार लामो दिनमा अबेरसम्म र छोटो दिनमा एक घण्टा पहिला होटल बन्द गर्ने निर्णय गरिएको छ ।

त्यसैगरी १८ वर्ष उमेर नपुगेका बालबालिकालाई मदिरा बिक्री वितरण नगरिने र खुद्रारुपमा मदिरा बिक्री गर्नेले साँझ ५ बजेदेखि राति १० बजेसम्म बिक्री गर्न पाउने तर दिउँसोको समयमा बिक्री वितरण नगरिने निर्णय पनि भएको प्रजिअ नेपालले बताउनुभयो । अन्तःशुल्कको स्टिकर नलगाइएका मदिरा बिक्री वितरणमा रोक लगाइने र यसलाई कडाइका साथ कार्यान्वयन गरिने भएको छ । त्यस्तै बजार अनुगमन समितिमा होटल व्यवसायी सङ्घ र मदिरा व्यवसायी सङ्घका एक÷एक सदस्यलाई मनोनित गरिने भएको छ । बैठकमा प्रत्येक होटल व्यवसायीले अनिवार्यरुपमा सिसी क्यामेरा जडान गर्नुपर्ने र सोको जानकारी जिल्ला प्रशासन कार्यालयलाई दिनुपर्ने तथा होटलमा बास बस्न आउने पाहुनाको यथार्थ विवरण राख्ने निर्णय पनि गरिएको छ । बैठकले गरेका निर्णयलाई तदारुकताका साथ कार्यान्वयन गर्नुपर्ने र निर्णय कार्यान्वयन नगर्नेलाई नियमानुसार कारवाही गरिने पनि प्रजिअ नेपालले बताउनुभयो ।

व्यवसायीलाई मर्यादितरुपमा आफ्नो व्यवसाय गर्न र आपराधिक तथा गैरकानूनी क्रियाकलाप अन्त्य गर्नाका लागि मदिरालाई व्यवस्थित गर्न थालिएको पर्वत उद्योग वाणिज्य सङ्घका अध्यक्ष केदारनाथ शर्माले जानकारी दिनुभयो । घरेलु तथा साना उद्योग विकास समितिका प्रमुख विष्णु न्यौपाने र कोष तथा लेखा नियन्त्रण कार्यालयका प्रमुख नवराज सापकोटाले मदिरा बेचबिखन गर्ने व्यवसायीले अवलम्बन गर्नुपर्ने कानूनी दायरा र अन्तःशुल्कका बारेमा जानकारी गराउनुभएको थियो । यो निर्णय सदरमुकामका साथै ग्रामीण क्षेत्रका बजार तथा पसलमा पनि लागू गर्दै जाने प्रहरी नायब उपरीक्षक स्यामु अर्यालले बताउनुभयो । कुश्माबजारमा मात्रै झण्डै १०० को हाराहारीमा होटल तथा मदिरा व्यवसायी छन् । ताजा खबर बाट

Search This Blog

Khemraj Regmi

News ⌨️💻

Comments

Post a Comment

Popular posts from this blog

साली त परानि भइगै, छुट्टक्कै मन चोरी लैगै भाइरल जोडीको नयाँ देउडा गीत बजारमा

रोपाइँको सौराइलाई समर्पित मौलिक गीत सार्वजनिक जनक साउँद र टिमको उत्कृष्ट सांगीतिक प्रयास

मन–माया को सफलता पछि गायक टंक तिमिल्सिना नयाँ उचाइमा, युट्युबमा १० लाख सब्सक्राइबरको उपलब्धि

Khemraj Regmi